വത്തിക്കാന്‍, 2012 ആഗസ്റ്റ് 22: എത്യോപ്പ്യന്‍ പ്രധാനമന്ത്രി, മേലസ് സെനാവിയുടെ അകാലനിര്യാണത്തില്‍ ബനഡിക്ട് 16-ാമന്‍ പാപ്പ അനുശോചിച്ചു. എത്യോപ്യയിലെ വത്തിക്കാന്‍റെ സ്ഥാനപതി, ആര്‍ച്ചുബിഷപ്പ് ജോര്‍ജ്ജ് പാനികുളങ്ങരവഴി പ്രസിഡന്‍റ്, ഗിര്‍മാ വോള്‍ഡ് ജോര്‍ജസ്സിന് അയച്ച സന്ദേശത്തിലാണ് ജനനേതാവിന്‍റെ നിര്യാണത്തില്‍ പാപ്പ അനുശോചിച്ചത്. 21 വര്‍ഷക്കാലം എത്യോപ്യായെ വളരുന്നൊരു സാമ്പത്തിക ശക്തിയാക്കിയ പ്രസിഡന്‍റ് സെനാവിയുടെ വേര്‍പാടില്‍ ദുഃഖിക്കുന്ന കുടുംബാംഗങ്ങള്‍ക്കും ജനങ്ങള്‍ക്കും സന്ദേശത്തിലൂടെ പാപ്പാ തന്‍റെ അനുശോചനം അറിയിക്കുകയും പ്രാര്‍ത്ഥന നേരുകയും ചെയ്തു.
57 വയസ്സുകാരനായ പ്രധാനമന്ത്രി സെനാവി രോഗഗ്രസ്ഥനായിരുന്നു. പെട്ടന്നുണ്ടായ മരണകാരണം അവ്യക്തമെങ്കിലും ആഗസ്റ്റ് 20-ാം തിയതി, തിങ്കളായ്ച രാവിലെ അദ്ദേഹത്തിന്‍റെ അന്ത്യം സംഭവിച്ചതായി വാര്‍ത്താ ഏജെന്‍സികള്‍ സ്ഥിരീകരിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ