പൗരസ്ത്യ കാതോലിക്കോസ് പരിശുദ്ധ ബസേലിയോസ്‌ മാര്‍ത്തോമ്മാ ദിദിമോസ്‌ പ്രഥമന്‍ ബാവായുടെ ക്ഷണമനുസരിച്ചാണ്‌ സന്ദര്‍ശനം
ദേവലോകം: മലങ്കര ഓര്‍ത്തഡോക്‌സ് വിദ്യാര്‍ഥി പ്രസ്‌ഥാനത്തിന്റെ ശതാബ്‌ദി ആഘോഷങ്ങളില്‍ മുഖ്യാതിഥിയായി പങ്കെടുക്കാന്‍ എത്യോപ്യന്‍ പാത്രിയര്‍ക്കീസ്‌ പരിശുദ്ധ ആബൂന പൗലോസ്‌ മലങ്കര സന്ദര്‍ശിയ്ക്കുന്നു. ഡിസംബര്‍ 29 മുതല്‍ 31 വരെയാണ്‌ സന്ദര്‍ശനം. ഓര്‍ത്തഡോക്‌സ് സഭയുടെ പരമാധ്യക്ഷന്‍ പൗരസ്ത്യ കാതോലിക്കോസ് പരിശുദ്ധ ബസേലിയോസ്‌ മാര്‍ത്തോമ്മാ ദിദിമോസ്‌ പ്രഥമന്‍ ബാവായുടെ ക്ഷണമനുസരിച്ചാണ്‌ സന്ദര്‍ശനം. ദേവലോകം പൗരസ്ത്യ കാതോലിക്കാസന അരമനയില്‍ പൗരസ്ത്യ കാതോലിക്കോസുമായി കൂടിക്കാഴ്‌ച നടത്തും. റഷ്യന്‍ സഭ കഴിഞ്ഞാല്‍ ഏറ്റവും വലിയ കിഴക്കന്‍ സഭയും ഓറിയന്റല്‍ ഓര്‍ത്തഡോക്‌സ് സഭകളില്‍ ഏറ്റവും വലുതുമാണു് എത്യോപ്യന്‍ സഭ. കമ്യൂണിസ്‌റ്റ് ഭരണകാലത്ത്‌ ഏഴുവര്‍ഷം തടവ്‌ ശിക്ഷ അനുഭവിച്ചിട്ടുള്ള പാത്രിയര്‍ക്കീസ്‌ ഇപ്പോള്‍ സഭകളുടെ ലോക കൗണ്‍സില്‍ (W C C) പ്രസിഡന്റാണ്‌. ഓറിയന്റല്‍ ഓര്‍ത്തഡോക്‌സ് സഭയിലെ അംഗസഭകളായ മലങ്കര സഭയും എത്യോപ്യന്‍ സഭയും തമ്മില്‍ പൂര്‍ണ വി.കുര്‍ബാന സംസര്‍ഗവും ഉറ്റബന്ധവുമുണ്ടു്. ഏറ്റവും പുതിയ കണക്കനുസരിച്ച്‌ എത്യോപ്യന്‍ സഭയുടെ അംഗസംഖ്യ അഞ്ചുകോടിയാണ്‌. | ||||
20081227
എത്യോപ്യന്‍ പാത്രിയര്‍ക്കീസ്‌ ഡിസം. 29-നു് കേരളത്തിലെത്തും
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ