അന്തേലിയാസ്: റോമന്‍ കത്തോലിക്കാസഭയും ഓറിയന്റല്‍ ഓര്‍ത്തഡോക്സ്സഭയും തമ്മിലുള്ള ദൈവവിജ്ഞാനീയ സംവാദത്തിനായുള്ള അന്തര്‍ദേശീയ സംയുക്ത കമ്മീഷനില്‍ പങ്കെടുക്കാന്‍ ലെബാനോനിലെ അന്റേലിയാസിലെത്തിയ ഇന്ത്യന്‍ ഓര്‍ത്തഡോക്സ് പൗരസ്ത്യ സഭയുടെ പ്രതിനിധികളായ തിരുവനന്തപുരം മെത്രാപ്പോലീത്ത ഗബ്രിയേല്‍ മാര്‍ ഗ്രിഗോറിയോസും ഫാ. മാത്യു വെള്ളാനിക്കലും സഹോദരീ സഭയായ അര്‍മേനിയന്‍ ഓര്‍ത്തഡോക്സ് സഭയുടെ കിലിക്യാ സിംഹാസനത്തിന്റെ കാതോലിക്കോസ് പരിശുദ്ധ ആരാം പ്രഥമന്‍ കെഷിഷിയന്‍ ബാവയെ ജനുവരി 29 നു് സന്ദര്‍ശിച്ചു. ജനുവരി26 മുതല്‍ 31 വരെ അന്റേലിയാസില്‍ നടക്കുന്ന റോമന്‍ കത്തോലിക്കാസഭയും ഓറിയന്റല്‍ ഓര്‍ത്തഡോക്സ്സഭയുംതമ്മിലുള്ള ദൈവവിജ്ഞാനീയ സംവാദത്തിനായുള്ള അന്തര്‍ദേശീയ സംയുക്തകമ്മീഷന്‍ സമ്മേളനത്തില്‍ ആതിഥേയത്വം വഹിയ്ക്കുന്നതു് കിലിക്യാ സിംഹാസനമാണു് .
മലങ്കരസഭയിലെ ഏറ്റവും പുതിയ സംഭവവികാസങ്ങളും വിശേഷങ്ങളും പ്രതിനിധിസം ഘം പരിശുദ്ധ ആരാം പ്രഥമന്‍ ബാവയെ അറിയിച്ചു. പ്രതിനിധിസം ഘം പരിശുദ്ധ ആരാം പ്രഥമനു്, പൗരസ്ത്യ കാതോലിക്കോസ് പരിശുദ്ധ ബസേലിയോസ് മാര്‍ത്തോമാ ദിദിമോസ് പ്രഥമന്‍ പാത്രിയര്‍ക്കീസിന്റെ സഹോദരനിര്‍വിശേഷമായ സ്നേഹം അറിയിയ്ക്കുകയും ഇന്ത്യയിലേയ്ക്കു് ക്ഷണിച്ചുകൊണ്ടുള്ള കത്തു് നല്കുകയും ചെയ്തു.
കടപ്പാടു് വിശ്വാസപാലകന്‍
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ