.
ദേവലോകം, നവം 11: അവരവരുടെ പാരമ്പര്യവും പൈതൃകവും നിലനിര്ത്തിക്കൊണ്ടു് തന്നെ സാമൂഹിക പ്രശ്നങ്ങള് പരിഹരിക്കുന്നതിനായുള്ള ശ്രമത്തില് സഭകള് ഒരുമിച്ച് പ്രവര്ത്തിക്കണമെന്ന് പൗരസ്ത്യ കാതോലിക്കോസ് പരിശുദ്ധ ബസേലിയോസ് മാര്ത്തോമ്മാ പൌലോസ് ദ്വിതീയന് ബാവാ ആഹ്വാനം ചെയ്തു. കേരളത്തിലെ എപ്പിസ്ക്കോപ്പല് സഭകളുടെ പൊതുവേദിയായ നിലയ്ക്കല് എക്യുമെനിക്കല് ട്രസ്റ്റിന്റെ യോഗത്തില് ആമുഖ പ്രസംഗം നടത്തുകയായിരുന്നു പരിശുദ്ധ പിതാവ്.
21-ആം നൂറ്റാണ്ടില് എക്യമെനിക്കല് പ്രസ്ഥാനത്തിന് വലിയ സംഭാവന നല്കാനുണ്ടെന്ന് അദ്ദേഹം പറഞ്ഞു.
ട്രസ്റ്റ് പ്രസിഡന്റ് ആര്ച്ച് ബിഷപ്പ് മാര് ജോസഫ് പവ്വത്തിന്റെ അദ്ധ്യക്ഷതയില് വലിയ ബാവാ പരിശുദ്ധ ബസേലിയോസ് മാര്ത്തോമ്മാ ദിദിമോസ് പ്രഥമന് അനുഗ്രഹ പ്രഭാഷണം നടത്തി. കോട്ടയം ദേവലോകം അരമന ഹാളില് ചേര്ന്ന സമ്മേളനത്തില് മാര്ത്തോമ്മാ വലിയ മെത്രാപ്പോലീത്താ, ആര്ച്ച് ബിഷപ്പ് മാര് മാത്യു മൂലക്കാട്, ബിഷപ്പ് തോമസ് സാമുവല്, ജോഷ്വാ മാര് ഇഗ്നാത്തിയോസ്, മാര് സില്വസ്റര് പൊന്നുമുത്തന് തുടങ്ങിയവരും വിവിധ സഭാ പ്രതിനിധികളും സംബന്ധിച്ചു.
2010 ജനുവരി 25-ആം തീയതി ശനിയാഴ്ച നിലയ്ക്കല് സെന്റ് തോമസ് പള്ളിയില് വച്ച് എക്യുമെനിക്കല് ട്രസ്റിന്റെ സില്വര് ജൂബിലി വിപുലമായി ആഘോഷിക്കാന് തീരുമാനിച്ചു.
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ